ஒரு நாள் நண்பரின் வீட்டில் உரையாடிக் கொண்டிருந்தபோது வானொலி சில சுவையான தகவல்களை வழங்கிக் கொண்டிருந்தது. செய்தி இதுதான்.

"....நண்பர் வீடொன்றுக்குச் சென்றபோது வீடு இருளடைந்திருந்தது. மேசையில் மெழுகுதிரி ஒளியில் நண்பரின் மகள் பாடம் படித்துக் கொண்டிருந்தாள், நான் ஆச்சரியப்பட்டு என்னம்மா பீயூஸ் ஏதாயிலும் போயிடிச்சா? நான் சரிசெய்யட்டுமா? என்றேன்....."

அதெல்லாம் ஒன்றுமில்லை மாமா அம்மாதான் சொல்லிவிட்டுப் போனவ, சும்மா தேவையில்லாமல் லைற்றுகளைப் போடவேண்டாமென்று, படிப்பதென்றால் மெழுகுதிரி போதுமென்று......

இதிலென்ன அதிசயமிருக்கென்றா பார்க்கின்றீர்கள்!

இது நடந்தது இலண்டன் மாநகரில் சொந்த வீட்டில் வாழும் நண்பர் வீடொன்றில்......

கேட்ட நாங்கள் ஆச்சரியத்தால் உறைந்துபோனோம்.

சிக்கனமாயிருத்தல் எமக்கொன்றும் புதிய விடயமல்லதான் ஆனாலும் இப்படியா?

பள்ளிவாழ்க்கைக் காலங்களில் நகைச்சுவைக்காக ஆசிரியர் சொன்ன கருமிகளின் கதை நினைவேட்டத்துடன் நான்.