இலண்டனில் உள்ள சிறி கனகதுர்கை அம்மன் ஆலய மண்டபத்தில் கடந்த 17 -11-2007 ஞாயிறு புதுவையின் 'சுதந்திரக கனவுகள்' ஆங்கில இசைத்தட்டு வெளியீட்டு விழா நடைபெற்றது.
இந்நிகழ்ச்சியினை  இசைத்தட்டு உருவாக்கத்தில் பெரும்பங்கு வகித்த திரு. பீட்டர் யேசுதாசன் அவர்களுடன் கந்தையா இராஐமனோகரனும் இணைந்து சிறப்புற நெறிப்படுத்தினார்கள்.
புதிய விடுதலைப்பேராட்ட மரபுசார் விழுமியங்களை மதித்து மாவீரரின் தந்தையான திரு.சங்கரதாஸ் சதாசிவக் குருக்கள். அவர்களுக்கு இவ்விசைத்தட்டின் முதல் பிரதி வழங்கப்பட்டது.
இவ்விழாவில் செல்வி கல்விக்கரசி மாணிக்கம், இலக்கியவாதியும் சட்டத்தரணியுமான மு.நேமிநாதன், கலாநிதி நித்தியானந்தன்,  புதிய தலைமுறை இளைஞனான சண்முகநாதன் மயூரன் ஆகியோருடன் வேறுபலரும் உரை நிகழ்த்தினார்கள்.
'வன்னி மண்ணிலே மயில் கூத்தாடுமா இல்லை போராடுமா' என்னும் பாடலுக்கு நிகழ்த்தப்பட்ட நடனம் பார்வையாளரின் பாராட்டுதலைப் பெற்றது.
இவ்விசைத்தட்டில் ஐந்து பாடல்கள் இடம்பெற்றளன.   இப்பாடல்களுக்கு நரியீஸ் குடுவினர் இசையமைத்திருந்தனர். இப்பாடல்களை சார்மா, லைலா, பென்டப், ஆகியோர் சிறப்புற பாடியுள்ளனர்.
இவ்விழாவுடன் திருப்தி கொள்ளும் நிகழ்வல்ல இதுவென்றும், இதனை பரந்துபட்ட சகல இன மக்களிடமும் காவிச்சென்று ஒப்படைப்பதே தமது தேசக்கடமையென்றும் பார்வையார்கள் கூறியது செவிகளில் ஒலித்தது.