ஐப்பசி மாதமென்றால் சாகித்திய மண்டலப் பரிசுகள் முக்கிய கவனத்தை ஈர்ப்பது இயல்புதான். வழமைபோல் தமிழில் ஏழு நூல்களிற்கும், சிங்களத்தில் 17 நூல்களிற்கும் பரிசுகள் வழங்கப்பட்டுள்ளன.

தேசிய சாகித்திய கலா மகோற்சவம் ஒருகிழமையாக, கலாசார அமைச்சினால் கொழும்பில் நடத்தப்பட்டது; அதில் ஒருசில நிகழ்ச்சிகள்தான் தமிழிற்குரியவை. அதனையொட்டி வெளியிடப்பட்ட மலரிலும் நிகழ்ச்சி நிரல், வாழ்த்துச் செய்திகள் தவிர்ந்தவை சிங்களத்தில் மட்டுமே காணப்படுகின்றன.

அரசாங்கம் சமாதானத்தைப்பற்றிப் பெரிதாகச் சொல்கிறது. ஆனால், சமத்துவமற்ற நிலைமை தொடர்கிறது!
உயர் பாதுகாப்பு வலயங்கள் என்றபெயரில் பல்லாயிரக் கணக்கான தமிழ் மக்களின் வாழ்விட உரிமை பறிக்கப்பட்டுள்ளது.

கடற்கரைகளைப் பாவிக்கமுடியாத “பாதுகாப்பு” நிலைமை, கெடுபிடிகளுடன் மட்டுப்படுத்தப்பட்ட அளவில் நடைபெறும் மீன்பிடித்தொழில்.
மந்தமான புனர்வாழ்வுச் செயலுதவிகள்...
தொடரும் இத்தகைய பாரபட்சங்களில் கலாசாரத் துறையும் இணைந்துள்ளது என்பது தமிழ்மக்களிற்கு ஆச்சரியந்தரப் போவதில்லைத்தான்.

 à®†à®©à®¾à®²à¯, இனங்களுக்கிடையே சமத்துவம் நிலைநாட்டப்படாது போனால் நீடித்த சமாதானம் சாத்தியமில்லை என்பதை, அரசாங்கமும் தென்னிலங்கைப் பெரும்பான்மையினரும் என்று உணரப்போகின்றனரோ!